Հայ երգեհոնահարներ
Արմեն Աղաջանյան
Ծնվել է 1974 թվականի հոկտեմբերի 4-ին Կոտայքի մարզի Չարենցավան քաղաքում։
Կրթություն
Ստացել է բարձրագույն կրթություն։ Երևանի Կոմիտասի անվան պետական կոնսերվատորիա, դաշնամուրային և երգեհոնային բաժիններ, այնուհետև ասպիրանտուրա Երևանի Կոմիտասի անվան պետական կոնսերվատորիա երգեհոնի բաժին։
Աշխատանքային գործունեություն
Արմեն Աղաջանյանը երկար տարիներ ծավալում է ակտիվ մասնագիտական գործունեություն որպես մենակատար, կոնցերտմայստեր և մանկավարժ՝ նշանակալի ներդրում ունենալով Հայաստանի երաժշտական և կրթական ոլորտներում։
Նա աշխատում է Կամերային երաժշտության ազգային կենտրոնում, Երևանի Պ. Չայկովսկու անվան միջնակարգ երաժշտական մասնագիտական դպրոցում՝ որպես դաշնամուրի դասատու, ինչպես նաև Երևանի Կոմիտասի անվան պետական կոնսերվատորիայում՝ որպես կոնցերտմայստեր։
Ստեղծագործական գործունեություն
Ավելի քան 40 տարի զբաղվում է երգեհոնային երաժշտությամբ և հանդես է գալիս որպես երգեհոնահար։
Մասնակցել է Վահագն Ստամբոլցյանի անվան միջազգային փառատոնին։
Համերգներով հանդես է եկել Հայաստանի Հանրապետությունում՝ ակտիվորեն մասնակցելով երկրի երաժշտական կյանքին։ Ստեղծագործական գործունեության ընթացքում համագործակցել և մասնագիտական շփումներ է ունեցել անվանի երգեհոնահարների և երաժիշտների հետ։
Սիրելի երգեհոնային կոմպոզիտորներն են Յոհան Սեբաստիան Բախը և Սեզար Ֆրանկը՝ նախընտրելով հատկապես խոշոր ձևի երգեհոնային ստեղծագործությունները։