Տեսաֆիլմ

Վահագն Ստամբոլցյան՝ հայ նշանավոր երգեհոնահար, երաժիշտ և մանկավարժ։ Նա ստացել է բարձրագույն կրթություն Լենինգրադի Ռիմսկի-Կորսակովի անվան կոնսերվատորիայում և հետագայում երկար տարիներ դասավանդել է Երևանում՝ հիմնելով ու ղեկավարելով երգեհոնի դասարանը։

Ստամբոլցյանը մեծապես նպաստել է Հայաստանում երգեհոնային արվեստի տարածմանը՝ իր համերգային ու մանկավարժական գործունեությամբ, ինչպես նաև առաջին անգամ երգեհոնով հնչեցնելով հայ հոգևոր երգեր ու շարականներ։ Նրա նվագացանկում ընդգրկված են ինչպես դասական հեղինակների՝ Բախի, Հենդելի, այնպես էլ հայ կոմպոզիտորների՝ Քրիստափոր Քուշնարյանի, Հարո Ստեփանյանի, Տիգրան Մանսուրյանի ստեղծագործությունները։

1965 թվականին Վահագն Ստամբոլցյանը Լուսինե Զաքարյանի հետ առաջին անգամ Խորհրդային Հայաստանում համերգային ծրագրով նշեց Մեծ եղեռնի տարելիցը։ Այս համերգը դարձավ նշանակալի իրադարձություն, որով Ստամբոլցյանը խթանեց հայ հոգևոր երգի ճանաչումն ու տարածումը ինչպես հայրենիքում, այնպես էլ Եվրոպայում։

Կամերային երաժշտության ազգային կենտրոնի նախաձեռնությամբ 2022 թվականից Երևանում մեկնարկել է Վահագն Ստամբոլցյանի անվան երգեհոնային միջազգային փառատոնը։